Árbæjarsafn

Árbær var rótgróin bújörð allt fram á 20. öld, en safnið var opnað þar árið 1957. Árbæjarsafn er útisafn og auk Árbæjar eru þar yfir 20 hús, sem mynda torg, þorp og sveit. Flest húsin hafa verið flutt úr miðbæ Reykjavíkur.

Í Árbæjarsafni er leitast við að gefa hugmynd um byggingalist og lifnaðarhætti í Reykjavík og á sumrin má þar sjá húsdýr og mannlíf fyrri tíma.Í safninu er boðið upp á fjölda sýninga og viðburða, þar sem einstökum þáttum í sögu Reykjavíkur eru gerð skil. Þar má nefna handverksdaga, fornbílasýningu, jólasýningu og margt fleira. Allir eiga að finna eitthvað við sitt hæfi í Árbæjarsafni.

Smellið hér til að sjá kort yfir safnsvæði.

Sumardagskrá safnsins fyrir sumarið 2014 má skoða hér (pdf skjal 356 kb).




Senda Prenta Senda á Facebook

Viðburðir


Jólasýning Árbæjarsafns 2014 | 05.11.2014

Jólasýning Árbæjarsafns hefur notið mikilla vinsælda undanfarin ár og hlotið fastan sess í menningarlífi höfuðborgarinnar á aðventunni. Opið verður þrjá daga á aðventunni, 7., 14., 21. desember, á milli 13 og 17.


Börn á Árbæjarsafni

Vetrarfrí á safninu | 17.10.2014

Á fjórum söfnum Borgarsögusafns Reykjavíkur munum við bjóða upp á sérstaka fjölskyldudagskrá vegna vetrarfrís grunnskóla Reykjavíkurborgar dagana 17., 20. og 21. október. Á söfnin er alltaf frítt fyrir gesti yngri en 18 ára en í tilefni vetrarfrísins bjóðum við fullorðnum í fylgd með börnum frían aðgang þessa þrjá daga!


Árbær í vetrarbúningi

Vetrardagskrá Árbæjarsafns | 01.09.2014

Frá og með 1. september tekur vetrardagskrá Árbæjarsafns við. Þá er boðið upp á leiðsagnir alla daga kl. 13. Safnsvæðið er annars opið, en safnhúsin ekki. Tekið er á móti hópum (bæði skólahópum og ferðmannahópum) eftir samkomulagi. Hægt er að panta leiðsögn á minjasafn@reykjavik.is.

Skoða alla viðburði