Veitingasala Árbæjarsafni

Dillonshús hýsir veitingarekstur safnsins yfir sumarmánuðina og gefst gestum kostur á að kaupa þar kaffiveitingar á opnunartíma safnsins frá 11 - 5.

Mögulegt er að fá húsið leigt með veitingum í gegnum rekstraraðila þess og í samráði við safnið.

Frekari upplýsingar veitir Sólveig Kristín Jónsdóttir í síma 411 6304 og á netfanginu solveig.kristin.jonsdottir@reykjavik.is

Dillonshús var reist árið 1853 á horni Túngötu og Suðurgötu. Húsið dregur nafn sitt af þeim manni sem lét smíða það, Arthur Dillon, en hann kom til Íslands árið 1834. Dillonshús var flutt á Árbæjarsafn árið 1961 og hefur hýst veitingasölu safnsins síðan.




Senda Prenta Senda á Facebook

Viðburðir


Kvoldvaka_safnanott

Safnanótt - 10. febrúar | 07.02.2012

Á safnanótt mun Árbæjarsafn endurskapa horfinn heim, með kvöldvöku á baðstofuloftinu í Árbæ. Þar situr fólk við daufa birtu og stritar við að kemba, spinna og prjóna og húsbóndinn kveður rímur fyrir heimilisfólkið.


Árbær í vetrarbúningi

Aukin þjónusta Árbæjarsafns yfir veturinn | 30.12.2011

Frá og með 2. janúar 2012 verður breyting á þjónustu Árbæjarsafns, en þá verður boðið upp á leiðsagnir alla daga klukkan 13.00 - bæði virka daga og um helgar. Eftir sem áður er safnið opið utan þessa tíma eftir samkomulagi og hægt er að panta leiðsögn með því að hringja í síma 411-6304 eða senda póst á netfangið minjasafn@reykjavik.is


Innrettingar_2011

Sýning í tilefni þess að 300 ár eru liðin frá fæðingu Skúla Magnússonar | 14.12.2011

Þann 12. desember eru 300 ár liðin frá fæðingu Skúla Magnússonar landfógeta. Af því tilefni verður opnuð sýningin Hinar nýju innréttingar. Skúli Magnússon og Reykjavík 18. aldar á Minjasafni Reykjavíkur.

Skoða alla viðburði