Reglulegt viðhald er besta og ódýrasta aðferðin til að varðveita hús

Það eykur verðgildi húsa ef þeim er haldið við af fagmennsku og upphaflegur stíll þeirra fær að njóta sín

Reynslan sýnir að yfirleitt er hægt að gera við og endurbæta gamalt hús án umfangsmikillar endurnýjunar og án þess að sérkenni hússins hverfi.

Húsverndarstofan er til húsa á Árbæjarsafni, neðst á safnsvæðinu

Kornhus

Húsverndarstofa

Ráðgjöf um viðhald og viðgerðir eldri húsa

Ráðgjöf á Árbæjarsafni alla miðvikudaga frá kl. 16-18.
Einnig á sama tíma í síma 411 6333.

Húsverndarstofan er opin alla miðvikudaga frá kl 16-18. Sérfræðingar frá Minjasafni Reykjavíkur og Húsafriðunarnefnd veita ráðgjöf til þeirra sem þess óska.
Einnig veita þeir ráðgjöf á sama tíma í síma 411 6333.
Hægt er að skoða byggingartæknisögusýninguna og nýta sér Húsverndarstofuna, án ráðgjafar sérfræðinganna þegar Minjasafn Reykjavíkur er opið; alla daga frá kl. 10 til 17 í júní, júlí og ágúst
Tekið er á móti hópum til að skoða byggingartæknisögusýninguna eftir samkomulagi. Tímapöntun í minjasafn@reykjavik.is og síma 4116304
Kennarar í arkitektúr og á bygginga- og mannvirkjasviðum bæði iðn- og háskóla eru sérstaklega hvattir til að nýta sér Húsverndarstofuna í kennslu. Tímapöntun í minjasafn@reykjavik.is og síma 4116304.

Húsverndarstofan er rekin í samvinnu Húsafriðunarnefndar, Minjasafns Reykjavíkur og Iðunnar fræðsluseturs.

Sýningin Húsagerð höfuðstaðar. Saga byggingartækninnar í Reykjavík 1840 -1940.

Sýningunni er skipt í þrjá hluta, hlaðin steinhús, timburhús og steypt hús fram til 1940. Á sýningunni eru sagt frá þeim Bygginartæknisyning samfélagsaðstæðum sem kölluðu á breytingar í húsagerð, nýjar vinnuaðferðir, notkun nýrra efna og verkfæra. Fjallað er sérstaklaega um steinbæina sem eru sérreykvísk húsagerð, Sveitserhúsin sem eru einna íburaðmest og glæsilegust af reykvískum timburhúsum og steypt funkíshús þegar menn voru farnir að ná góðu valdi á steypu og járnbindingu. Sagt er frá þróun veitna og lagna í húsunum. Á sýningunni er einnig tímaás sem sýnir þróun húsa, ný verkfæri, efni og vinnuaðferðir svo eitthvað sé nefnt.

Sýningin var sett upp í samvinnu Minjasafns Reykjavíkur og Menntafélags byggingariðnaðarins með styrk frá Íbúðalánasjóði.