Húsverndarstofa

Á síðasta ári var opnuð húsverndarstofa um endurbætur eldri húsa í Kjöthúsinu í Árbæjarsafni. Að Húsverndarstofunni standa Húsafriðunarnefnd ríkisins, Iðan fræðslusetur og Minjasafn Reykjavíkur. Þar liggur frammi fjölbreytt fræðsluefni sem kemur að gagni fyrir þá sem standa fyrir viðhaldi og endurbótum á eldri húsum, bæði húseigendur og fagmenn. Sérfræðingar á vegum Húsafriðunarnefndar ríkisins og Minjasafns Reykjavíkur verða með viðtalstíma í Húsverndarstofunni alla miðvikudaga frá kl. 16 til 18. Einnig veita þeir ráðgjöf á sama tíma í síma 411 6333.

Frá árinu 2000 hefur sögu byggingatækninnar verið gerð skil í Kjöthúsinu í Árbæjarsafni og fyrir tveimur árum var opnuð þar sýningin Húsagerð höfuðstaðar. Saga byggingartækninnar í Reykjavík 1840 -1940.

Heimasíða Húsverndarstofunnar má nálgast hér.